insanın sevgiliyə ən çox ehtiyac duyduğu anlar

Hədiyyə dükanları| gülçüdəki sifariş gül bağlamaları Ətrafımdakı az, amma öz, dəyər verdiyim insanlara qarşılıq gözləmədən kiçik jestlər etməyi sevirəm. Bu, içimdən gəlir. Amma ,ümumiyyətlə, insanlar incəlik gözləyirlər, lakin özləri bunu başqalarına ifadə etməyə səy göstərmirlər. Sözlərlə ifadə edilən sevgi gözəldir, amma dəyər vermək təkcə sözlə yox, əməldə də özünü göstərməlidir. Az əvvəl parkda yelləncək yoldaşım 13 yaşlı bir qız sevgilisinin ona etdiyi jestlərdən danışırdı. Oğlan sadəcə qızı qoltuğuna basıb "sən mənimsən" deyə sahiblik nümayiş etdirmirdi. Doğrudan da sevir, düşünür, qayğı göstərirdi. Yəni sevgi yalnız böyük sözlərdən yox, əməldəki incəliklərdən də ibarətdir. Bəzən səbəbsiz yerə səhər tezdən bir gül alıram – əlamətdar bir günü daha gözəl etmək, kiməsə təşəkkür etmək, ya da o gülləri gördüyümdə o an ağlıma gələn birinə almağımı dürtükləyən o hissdən ötrü. Bu cür incəliklər yalnız romantik münasibətlər üçün yox, ümumiyyətlə, insani sevgidən də törəyə bilir. Yəni bu hissi sadəcə sevgilidə axtarmamalı, yalnız onda yaşatmağı düşünməli deyilik. Belə jestlər münasibətlərdəki boşluqları və ehtiyac hissini azaldır. Əgər insanlar bir-birinə daha çox qayğı və diqqət göstərsə, bəlkə də sevgiliyə ehtiyac o qədər də hiss olunmazdı.