two and a half men

charlie sheen-in ayrılmağı ilə bir xeyli maraqsızlaşan, ancaq yenə də güldürməyə davam edən amerikan serialı. yeni sezonlarında charlie-nin yerinə ashton kutcher oynayır. guya charlie maşın qəzasında ölür və ailəyə kutcher-in oynadığı walden adlı yeni bir obraz daxil olur. ailənin digər üzvləri isə rəhmətlik charlie-nin qardaşı alan və alan-ın oğlu jake-dir. serialın adının two and a half men, yəni '2.5 nəfər kişi' (u: bilirəm, pis tərcümə oldu amma mənası belədir) olmağının səbəbi isə ailədə iki yetişkin kişi (əvvəlki seriyalarında bu, charlie və qardaşı alan idi. indi, əvvəl də qeyd etdiyim kimi charlie-ni bir növ əvəz edən walden var) və bir də yeniyetmə jake olduğuna görədir. lap başından etibarən izləmiş olmasam da, cnbce-də qabağıma çıxanda zövqlə izləmiş və yeni sezonlarını da internetdən izləməyə davam etdiyim bu komediya seriyalına, çoxlu gülmək və əyləncəli zaman keçirtmək istəyənlərə baxmağı tövsiyyə edirəm. lap əvvəldən başlamağınıza ehtiyyac yoxdur. onsuzda hər seriyada demək olar ki, bir-birindən bağımsız, yeni əhvalatlar olur. ancaq köhnələrdən də, charlie-nin oynadığı seriyalara mütləq baxın.