28. 15 fevral 2013 tarixində girdiyim imtahan. imtahana hazırlaşmazdan əvvəl bu entryni yazmışdım: #93874
sonra, imtahana hazırlaşmağa başladıqca, internetdən faydalı pdf`lər tapdıqca, gördümki əslində o qədər də çətin deyilmiş. məsələn siz təsəvvür edin, writing mövzuları ilə bağlı 60 səhifəlik pdf tapdıq. sözaltı sözlükdən * ametu sağolsun . bir digər tərəfdən, skype vasitəsi ilə speaking hazırlıqları etdik, imtahana girəcək olan iki nəfər çox rahat bir-birlərini sınağa çəkə bilər. biz, birimiz bakıda birimiz tükriyədə olduğumuz üçün skype vasitəsi ilə speaking`ə hazırlaşırdıq.

başqa bir məsləhət, biraz çətin məsələ olsa da, sınaqları çox faydası var. bildiyim qədəri ilə bakıda sınaqların qiyməti 40-60 manatdır, çox axmaq söhbətdir. mənim bəxtim gətirdi, tam evimin yanındaki bir kursa ağladım, pulsuz sınaqlarına gedə bildim. siz təsəvvür edin ki, imtahana 15 gün qalmış başladıq, hər gün sınaq oldu, cəmi 14 sınaq. hər gün 4-5 saat vaxt gedirdi sınaqa, sonra da onsuz da yorulursunuz deyə çox birşey edə bilmirsiniz günün geri qalan hissəsində. amma o sınaqların çox faydası oldu, əsas da writing üçün, qramatik səhvlər, zamana uyğunlaşıb sürətli yazmaq falan hamısı düzəldi. bəxtimizdən speaking sınaqındaki sınaqı götürən də amerikalı idi, yəni türk deyildi ki effektiv olmasın. ümumi sınaqlarımın ortalaması, yəni 14 sınaqın overall ortalaması 6 idi. 5.5-6.5 arası yəni. bəzən sam, yəni speaking sınaqını götürən qaqaş, cuşa gəlib 8 verirdi speakingdən, onları hesablamıram. onlarla birlikdə overall 6.5 - 7 arası oynayır.
sözümün canı, ucuz sınaq tapa bilsəniz, və ya ağlama bacarığınız normal üstüdürsə, işə salıb bir kursun sınaqlarına gedin davamlı. o da olmadı özünüz evdə edin. ama ara vermədən. çünki imtahanda ara yoxdur və buna öyrəşməlisiniz mütləq. mən hələ imtahandan əvvəl 14 sınaqa girmiş olsam da imtahanda ürəyim sıxılırdı ara olmadığı üçün, çünki bəzi sınaqlarda çıxıb siqaret çəkirdim heç olmasa, imtahanda o da olmaz. evdə özünüz sınaq edin, ielts-blog.com adresinə girin, mailinizi qeyd edin, sizə hər gün dünyanın hər yerindən olan imtahanlardaki suallar gələcək, yazma və danışıq. onlara hazırlaşın bəsdi onsuz da.

mənim imtahana gəldikdə isə, gözlədiyimdən asan ya çətin oldu deyə bilməyəcəm. baxır hansı section/part.
ümumi olaraq imtahandaki ən pis cəhət tənəffüsün olmamasıdır ki insanı çox yorur. tək tək ələ aldıqda isə,

listening: daha əvvəl hazırlaşdıqlarımdan biraz çətin oldu, və birinci sualda 16 rəqəmli kredi kart nömrəsini yaza bilməyib qaçırtdığım üçün diqqət və motivasıya itkisi yaşadım. ama bəxtimdən section 2 və section 3 də hamısı test idi, əl ilə yazılan cavablar deyildi yəni. əl ilə yazılanlar daha çətindir. bu iki section da 20 test olmasa idi nəticəm pis olardı yəqin. əslində testlər də çətin idi, ama ən azından içinizdə bir ümid olur cavablar çıxana qədər ki, bəxtə-bəxt yazdıqlarım düz olar yəqin. section 4 çox çətin idi, demək olar ki 1-2 əmin olduğum cavab var. ümumi gözlədiyim nəticə: 5.5, min 5 max 6.

reading: deyirdilər ki, imtahanda asan olur, ama olmadı. normal bildiyimiz mətnlər idi, asan deyildilər yəni. ancaq, mətnlər asan olmasa da, sual formaları allahdan asan idi, yenə burda da, əllə yazılan cavablar az idi. çoxu test və ya true/false falan idi. imtahandan əvvəl ən çox qorxduğum şey əllə yazılan cavabların çox gəlməsi idi. düşünün bəzən 20 sual olur cavabı əl ilə yazılmalı olan. mətnlər nə haqqında idilər yadımda deyil indi, son mətn nəsilləri tükənmiş uçan gijdıllaqlar haqqında idi. reading imtahanının bir digər çətin tərəfi də boynunuzun ağrımasıdır. 1 saat ərzində başınızı qaldırmırsınız kağızdan, vaxt itirməməlisiniz. təxmini gözlədiyim nəticə 5.5, min 5 max 6.

writing: cavablandırılma sistemi ilk ikisi kimi olmayan bir bölmə. speakinglə writing bölmələri tamamı ilə sizin imtahanınızı yoxlayacaq olan müəllimə bağlıdır. verilən cavab heç vaxt tam doğru ola bilməz. task 1`i 20 dəqiqə içində bitirdim keçdim task 2`yə. task 1`də çox vaxt itirməyin. onsuz da üçdə biridir bu writingin. üçdə ikisi isə task ikidir. task ikidə qorxduğum şey normal olaraq gələcək olacaq mövzunun çətinlik dərəcəsi idi. ama asand mövzu gəldi, insanların sağlığının getdikcə pisləşməsi haqqında. 280 söz yazdım. ama imtahan növbətçisinin səhvinə görə 10 dəqiqə əvvəl bitirdim normal vaxtdan. adam dedi 20 dəqiqəniz qalıb halbuki 30 dəqiqə qalıbmış. hal hazırda qorxduğum şey odur ki, mənə 4 belə verə bilərlər writingdən, çünki sualda deyir ki insanlar gələcəkdə daha az sağlıqlı olacaq, qatılırsınızmı? mən isə yazımda insanların indi sağlıqsız olma səbəblərindən bəhs etmişəm. bir iki cümlədə də yazdım ki, indi belə olduğu üçün gələcəkdə daha pis olacaq. yəni əslində suala tam cavab verməmişəm. imtahanı yoxlayacaq müəllimə görə qiymətimdə dəyişə bilər. ümid edirəm içində allah qorxusu olan biri yoxlayar -*. normal şərtlərdə mən 6 - 6.5 alaram deyirdim ancaq writingdən həmişə az verirlər. gözlədiyim nəticə 5-dir. min 4.5, max 5.5

speaking: gözlədiyimdən çox rahat və çox yaxşı keçən tək bölmə. əsas şərt, özünüzü çox rahat və cool aparın. o zaman, siz hansısa suala cavab verə bilməsəniz belə imtahanı götürən elə sanacaq ki siz əslində çox gözəl ingiliscə bilirsiniz sadəcə indi suala cavab tapa bilmirsiniz. mən çox rahat hiss edirdim və bunu qarşı tərəfə də hiss etdirdiyimi düşünürəm. part 1 və part 2də axıcı və dayanmadan danışdım. part 3`üm isə təəssüf ki biraz yaxşı olmadı. gələn suala cavab tapa bilmədim çünki iki sual belimi qırdı: sizdə insanlar heyvanlardan nə öyrənə bilər? və sizcə heyvanlar insanlardan nə öyrənə bilər. bu suallara o an azərbaycanca belə bir cavab tapa bilməmişdim. və suallara yetəri qədər dolğun cavab verə bilmədim. bir də ki, etdiyim səhv nə oldu. adətən hazırlaşarkən part 3`də 5-6 sual görürdüm deyə həmişə, indi də qadın mənə ilk 3 sualı verəndə onlara qısa cavab verib 4-5-6 cı sualların gəlməsini gözlədim ki onlar bəlkə asand sual olar və uzun cavab verərəm. ancaq birdə gördüm ki qadın dedi it is the end of our exam. çox pis oldum. çünki bilsəydim suallara daha geniş cavab verərdim. speaking imtahanında vacib olan şərtlər sırasıyla, birinci axıcılıq, ikinci suala cavab vermə, üçüncü lüğət/söz bilmə bacarığı, dördüncü qrammatikadır. mən ilk iki şərti kifayət qədər yaxşı yerinə gətirdiyimi düşünürəm. təxmini gözlədiyim nəticə; 5.5, min 5, max 6.5

deməli ümumi olaraq;
listenin: 5.5
reading: 5.5
writing: 5
speaking: 5.5

overall: 5.5 (min 5, max 6)

cavablar açıqlandıqdan sonra edit gələcək.

edit:

listening: 5.0
reading: 6.0
writing: 6.0
speaking: 5.5
overall: 5.5

speaking'də layiq olduğumdan daha az xal almışam.