ilham əliyev - #104794 - Sözaltı Sözlük

47. azərbaycanda de fakto mütləq gücə, qeyri məhdud səlahiyyətə sahib yeganə şəxs. azərbaycan dövlətinin icraedicisi, qanunvericisi, məhkəməsi olan insan. istədiyini edə biləcək məkanın -ki ona azərbaycan da deyirlər- sahibi, ağası, mütləq hökmdarı. istədiyini etmə ifadəsinin içinə - istənilən insanı döydürmə, öldürmə, həbs, sürgün etmə, öz ölkəsindən olan jurnalistlərə müsahibə verməməklə, xalqı vecinə almadığını, heç kimə hesab vermədiyini bəyan etmək , könlü istədiyi qanunu qəbul etmək, ölkədəki resurları mənimsəmə və s. kimi imtiyazlar daxildir. bu adam görəsən öz-özündə oturub nə fikirləşir dediyim şəxsdir eyni zamanda. məsələn ölkə ərazisi içində samalyotla yuxarıdan aşağıdaki evlərə baxanda o evin içindəki insanları, özüylə onlar arasında olan əlaqəni düşünürmü heç? yaxud mütəmadi olaraq görüşdüyü ölkələrin dəyişən liderlərini gördükdə nə fikirləşir? mərhəmət, ədalət kimi anlayışlardan nə anlayır görəsən? facebooka, youtuba girib camaatının nə düşündüyünə dair maraq hissi varmı? xalqım, camaatım sözləri onun üçün nə ifadə edir? bunlar həqiqətən çox maraqlıdı şəxsən mənə. əgər sözlüyü oxuyursa ona ondan qorxduğumu söyləmək istəyirəm. bu qorxu hətta imanımı da əlimdən alan bir qorxudur. tanrıdan çox ondan qorxuram. ey ağa, lütfən, imanımın əldə getməsinə izin vermə. axı, ən çox qorxmalı olduğumuz varlıq tanrıdır, sən deyilsən. bu dünyada, yəni sənin sahibi olduğun ölkə olan azərbaycanda gün görmədik, o dünyada da gün görməməyimizə, əzab çəkməyimizə səbəb olma. tanrının hüzurunda ikən niyə ən çox məndən yox ilhamdan qorxdun sualına cavab verə bilməyəcəm. lütfən, bizi artıq qorxutma! gəl bitir bu qorxunu! o qorxunun bitməsinin isə yeganə yolu var özün bilirsən. hörmətlə, sayı hesabı bilinməyən qorxaq nökərlərinizdən biri.

(youtube:

)