1. azərbaycanda demək olar hər bir mövzuya aid bayatı tapmaq mümkündü hətta intim mövzülar haqda belə. aşağıdakı bayatılar bu mövzularla əlaqəli tapdığım bəzi bayatılardı.

əzizim, kür üstündən
sal axar kür üstündən
bu tər şəfa təridi
ölmərəm, dur üstümdən

gözləri xumar indi
yaş tökər, yumar indi
çək şalın sinən üstə
hər görən cumar indi!

əzizim, alma məni
nəzərdən salma məni
apar sərraf yanına
qəlp çıxsam, alma məni.

ay çıxıbdı bədirli
qapılar qoşa nərli
girəydim yar qoynuna
çıxaydim tərli-tərli

mən aşığam tərtərə
bu yol gedir tərtərə
sinəni qoy sinəmə
qoy qarışsın tər tərə…

ay dolanır batmağa
yuxum gəlmir yatmağa
əllərim öyrəşibdi
şux məmə oynatmağa

bağdan bar iyi gələr
nardan nar iyi gələr
burax, dostunu öpüm
ondan yar iyi gələr…