36. orta yaşlı bir qadın
illərin fahişəsi.
önündə ağ caxırın,
parıdayan şüşəsi...
və parıltısı itmiş
gözlərin bir nöqtəyə
əsrarəngiz baxışı,
qadının axtarışı...
o kimi düşünürdü,
öz əyyaş ərinimi,
ya qızıl boyunbağı
verən müştərinimi?
yoxsa ki, öz qızını?
uşaq xəbər tutarsa
kimdir onun anası,
özgələrdən duyarsa
bəlkə öz həyatını,
"həyat" demək olarsa....
axı çoxdan unudub
əsl həyatın dadın...
orta yaşli bir qadin...
hamı ondan xəbərsiz
məhv olmuş gələcək,
keçmiş isə dəyərsiz.
allaha nifrət edir,
şeytanasa sitayiş...
qarsona bir işarə
nə verəcək sifariş?
qəhvə, həm də şəkərsiz
sərxoş beyin ayılsın.
gecə keçir gecədən,
səhər artıq bilinir..
çöldə gözləyən taksi
donquldanır, deyinir.
telefon zəngləri də
çoxdan susub, kəsilib.
yuxusuzluq güc gəlir,
bağlanır gözləri də.
yatmağa qoymayanlar,
yatıblar özləri də.
ya da müştəriləri,
siliblər onun adın,
orta yaşli bir qadin!