10. artıq tarixə qarışmış səhifə. nə ictimai sektordan, nə solçu, nə müsəlman, nə bozqurd olduğuma görə məni dəfələrcə yaran blog yazıları, statusları və ən əsası podcastları ilə yaddaşımda yer etmiş partiya. bu adamlar öz üslubu ilə adi nar kafeni belə qısa müddətdə tanıtdılar. heç biri ilə şəxsi tanışlığım olmadı. amma həqiqətən yazı formaları ravik yolu olsa belə o üslubun məncə haqqını verirdilər. xüsusən podcastlardan yadımda qalan söhbətləri yazacam.
deyir bu yaxında eşitmişik ki, kəlbəcərdən solçu qız çıxıb. üzümüzü 20-ci ilin bolşevik qadınların ruhuna tutub deyirik, bağışlıyın bir də olmaz.

deyir, nəvaxt araz kafenin qabağından keçirəm, görürəm ki, əbülfəz qurbanlı kafenin qabağında cövlan edir. gəl də bizim studiyaya əbülfəz. niyə gəlmirsən ?

deyir, marks yazırdı ki, dünyadakı bütün müharibələr var-dövlət uğrunda gedir. amma marks azərbaycanı tanımırdı. azərbaycanı tanısa ora balaca bir əlavə edərdi ki, hə, bir dənə də ölkə var. orda qadın cinsiyyəti uğrunda döyüş gedir.