1. feminizmin qollarından biri. liberal feministlər tarix boyu qadınların siyasi bərabərliyi üçün çalışıblar-qadınların səs vermə haqqı, siyasətdə aktiv iştirak etmələri və s. liberalların əsas hədəfi olub. yəni angela merkelin, condoleeza ricın, benazir buttonun və s. qadınların siyasi arenaya çıxması liberallar tərəfindən onların siyasətdə qadınları təmsili kimi qavranılır və bunun üçün də ciddi sürətdə dəstəklənilir. radikal-sol feminizmdən fərqi liberalların qadın haqları məsələlərində baş verəcək müsbət dəyişikliklərin inqilabi yollarla deyil tədrici islahat və reformlarla reallaşacağına inanırlar. feminizmin bütün qolları arasında fərdiyyətçiliyə ən çox əhəmiyyət verən liberal feminizmdir. bundan başqa liberal feministlər qadınlarla kişilərin ev işlərində bərabərliyini və qadınların media sahəsində qabağa çıxardırılmalarını da müdafiə edirlər. məşhur nümayəndələri-mary wollstonecraft, john stuart mill, gloria steinemdir.