1. çox acınacaqlı haldır. məncə mütləq şəkildə edilməməsi gərəkən hərəkətdir. yaşar nuri, səyavuş aslan kimi müəyyən bir yerlərə gəlmiş, bir xalqın dəyərlərinə çevrilmiş insanların xəstəxanada ya da əldən ayaqdan düşmüş şəkillərini görmək insana ancaq ürək ağrısı verir və həmin insanlara hardasa hörmətsizlikdir. onlar bu xalqın yetişdirdiyi nadir incilərdir, bu şəkildə görünməyi nə onlar istəməzlər. nə də xalqın onları bu şəkildə görməsi gərəkli deyil.

bu fikir ağlıma ilk dəfə galatasarayın əfsanəvi qapıçısı turgay şereni əldən ayaqdan düşmüş şəklini görəndə ağlıma gəldi. onu o şəkildə görmək çox pis etdi mənə. o günə qədər onu ancaq izlədiyim möhtəşəm qurtrışları ilə, daha sonra isə dik dik danışmağı ilə xatırlayırdım. o halda gördükdən sonra isə turgay şeren deyəndə ağlıma ilk o şəkil gəlir. sonra aktyor münir özkulun da xəstə yatağında bir şəkli paylaşılmışdı. o da eyni təsiri bağışladı. daha sonra isə ramiz əzizbəyli haqqında bir jurnalistin reportajını oxudum * şəkilləri ilə . çox ağır xəstəliyə tutulub, heç kimi tanımır artıq.

belə şeylər qəzetlərin, saytların və s.-nin reytinq yığmasından başqa bir şeyə yaramır. çox təəssüf ki, inanmıram o barədə nəsə qadağa qoyulsun ya da bir tədbir görülsün. çünki həmin şəxslərin gözündə bu insanlar dəyər yox reytinqdir.