23. bilmirəm azərbaycanca bilir, ya yox. bilirsə də sözlüyə girir, ya yox. amma bilmirsə də ümid edirəm ki, kimsə aşağıdakı məktubumu ona çatdırar (əvvəlcədən deyim ki, məktub təbii alınsın deyə orfoqrafiya qaydaları vəhşicəsinə pozulub. yəni moderlər kurs olmasalar sevinərəm).
messiyə açıq məktub:
"salam, qaqa. bugünkü oyuna baxdım. atletiko çempion oldu. halal xoşları olsun. onnarnan işim yoxdu.
mənim işim sən və sənin komandannandı.
ilk öncə qeyd eliyim ki, bu mövsüm 1-2 oyunu çıxmaq şərtilə barçanın bütün oyunlarına baxdım. ümumiyyətlə son 12 ildə maksimum 12 oyun qaçırmış olaram, ya yox.
bu sezon haqqında danışmaq istəmirəm. onsuz da bugünkü oyuna qədər çempionluq şansını saxlamağımız tamamilə bəxt məsələsiydi. saxlamaq deyəndə onu da siz saxlamamışdız. hər nəysə. klubu qoyuram bir qırağa. onsuz da o tata adındakı mandaloşka barçanın 45 illik oyun fəlsəfəsinin içinə sıçradı.
total futbol öldü. onu tata öldürdü.
məni yandıran sənin oyunundu. içim yanır hər dəfə sənin oyununa baxanda. ay qaqa, niyə belə eliyirsən? nolub? nə məsələdi, xeyirdimi?
ay qa. nə tez yadından çıxdı barçanın sənə elədiyi yaxşılıqlar? nə tez yadından çıxdı argentinada xəstəliyin üzə çıxanda river plate 900 dollarına qıyıb səni müalicə elətdirmiyəndə barçanın sənə yiyə durmağı. hə, nə tez yadından çıxdı?
bu klub səni müalicə elətdirdi. səni adam elədi. adam oldun. adam cərgəsinə qoşuldun. nə tez yadından çıxdı o günlər? barça olmasaydı sən indi rosarioda mal vurdururdun. budumu bütün bu yaxşılıqların qarşılığı?!
indi deyəyəcəysən ki, nə dəxli var? 8 ildi oynuyanda yaxşıydı indi bir oyuna görə belə deyirsən. ay qaqa bir oyuna görə demirəm. son iki ildə sən neyniyibsən? barmağını qatla ki, bu işi görmüşəm. hə, neyniyibsən cavab ver.
həə. deyə bilərsən ki, mən tək neyniyim. səni də başa düşürəm. neymar kimi dalpenlə bir yerdə oynamaq asan məsələ deyil.
amma ay qa, sən axı adi oyunçu deyilsən. axı biz səni maradonaynan, garinçaynan müqayisə eliyirik.
həmişə deyirdilər ki, messi iniestanın, xavinin şotuna oynuyur. mən də həmişə səni müdafiə eliyirdim ki, yox elə deyil. amma indi görürəm ki, yanılmışam. amma sən indi bizim üzümüzü qara eliyirsən. indi nolsun ki, iniesta əvvəlki kimi oynamır, xavi qocalıb?
ronaldoya bax, kələ kimidi. bax gözünə su ver. premier ligadan la liga kimi dəxlisiz yerə gəldi. real ildə iki məşqçi dəyişdi. hər il sistem dəyişdi. amma ronaldo at kimi oynuyur. hər il də artırır.
amma sən neynirsən? gvardiola getdi. sistem dəyişdi. sən də öldün.
o gün baxıram. deyirsən ki, mənim tarixdə qalmağım üçün millidə uğura ehtiyacım yoxdu. adama deyərlər ki, sən xavisiz, iniestasız klubda neynədin ki, hələ bir millidən danışırsan.
3 həftə sonra dünya çempinatı başdıyır. yenə gedib irana zada 2-3 top vurub deyəcəysən ki, mən böyük oyunçuyam. sonra da almaniya kimisi çıxıb sizə 4-5 dənə vuracaq. yenə qalacaq içində.
amma istəmirəm ki, sənin içində qalsın. vallah, istəmirəm. istəyirəm ki, yenə əvvəlki messini görüm. istəyirəm ki, top hər dəfə sənin ayağına gələndə əvvəllər olduğu kimi həyəcanlanım. amma bugün baxıram ki, top ayağına gələndə biz yox sən həyəcanlanırsan.
hər nə isə ay qa. bilirəm vəziyyət gərgindi. sən də əsəbisən. ona görə çox deyib başını ağratmaq istəmirəm. amma sən yenə də papağını qabağına qoy, yaxşı-yaxşı fikirləş. gör neynirsən.
sözlərimdən də incimiyəsən ha.
mən də sənin yaxşılığın üçün deyirəm.
öpürəm brat. gecən xeyrə.