2. mәncә hansısa gizli bir tәşkilat tәrәfindәn oğlanların fikrini xaosa sürüklәmәk, dünyanın әslindә gözәl bir yer olduğuna inandırmaq üçün * bәli, bәli. yalanlar istehsal olunmuş androidlәrdi * әmәliyyat sistemi mәnasındakı android yox, ey cahil * insan formasında robot . belә ki, bu qızlar çox qәşәy olur. normal bir bәni hәvvanın ola bilmәyәcәyi qәdәr qәşәy. özü dә әn çox ruhuvun bezgin halda cismindәn 10-15 metr arxada başı aşağı, ayaqlarını sürüyə-sürüyə gәzdiyi vaxtlarda qabağına çıxır. görәnnәn sonra adamın üzünә o axmaq ifadә yayılır. yolun davamını hırıldıya-hırıldıya, içindә tәsvir olunmaz bir hәyat eşqi ilә gedirsәn. işin maraqlı tәrәfi odu ki, bakı kimi balaca bir şәhәrdә bu qızlarla bir dәnә dә olsun ortaq tanışın olmur. ya da әn azından qızı qiyabi dә olsa tanıyan biri. bu da yuxarıdakı android tezisimi möhkәmlәndirir. fikrimcә bu qızlar sadәcә olaraq müәyyәn bir zaman dilimindә, müәyyәn bir yerdə qarşımıza çıxmaq üçün proqramlanıb. zatәn 100-150 metr uzaqlaşdıqdan sonra yox olurlar. ya gizli keçiddən zavoda qayıdır, ya da, başqa bir küçәdә, başqa bir gәncin qabağına çıxmaq üçün teleportasiya olunurlar. bugünә kimi izlәyib, normal insanlar kimi evlәrinin, işlәrinin, ailәlәrinin olduğunu sübut eliyәn olmuyub. onlar sadәcә şәhәrin hansısa bir küçәsindә 10-15 saniyәlik peydә olur, hәyatımıza rәng qatır vә müqəddəs missiyasını tamamlamaq üçün qeybә çәkilib, başqa bir solğun ruhlu gәncin üzünә güldürmәk üçün öz "qarşıdan gәlәn qız qәşәng qız" rollarını oynayırlar.