15. görünən odur ki, sözlükdəki bəzi hörmətli yazarlarımızı narahat edən insan modelidir.
əslinə qalsa insanın yalnız ətdən və sümükdən ibarət olduğunu, bu dünyaya sadəcə olaraq yemək, içmək, yatmaq bir də vaxt olduqca bilmədikləri mövzularda öz səviyyələrinə uyğun "fikir" bildirməkdən ötrü gəldiklərini zənn edən insanlardan bundan artıq nəsə gözləmək də sadəcə olaraq sadəlövhlük olardı.

baxın, 1-2 ay bundan qabaq nidaçılar aclıq aksiyasına başlamışdılar. onda heç bir ağıllı çıxıb deməmişdi ki, özünüzə ziyan vurmayın, düz hərəkət eləmirsiz və s. çünki o uşaqların bir məqsədi var idi. nə isə sübut etməyə çalışırdılar və normal, ağlı başında olan insan da onların bu hərəkətini dəstəkləyirdi.
necə ki, hamı o uşaqların öz ideallarına görə aclıq aksiyası keçirməsini normal qarşılamışdı. eləcə də, bir müsəlmanın öz inancı uğruna 16 saat qalması normal qarşılanmalıdı.
onların haqları uğruna keçirdikləri aclıq aksiyası nə qədər müqəddəsdirsə, bir müsəlmanın öz dini uğruna oruc tutması da ən az o qədər müqəddəsdir. ki, müsəlman 1 ay boyunca davamlı yox, bir neçə saatlıq oruc tutur. bir də oruc tutanlar bilər, bu fiziki bir şey deyil. tamamilə psixoloji bir şeydir.

adamı yandıran bilirsiz nədir?! bilmirsizsə deyim. gündə 5 paket siqarət çəkən, 15 bakal pivə içən, nə bilim bütün günü kfclərdə, mcdonaldslarda əlinə keçən qızartmaları, bozartmaları, nə bilim, bütün zir-zibili mədəsinə ötürən, at ətindən, it ətindən dönər, hamburger yeyən, cola içən adamların gəlib burda orucun bədənə vurduğu "ziyanları"ndan danışmağı. yenə sağlam həyat tərzi keçirən biri gəlib bu sözləri desə adamı bu dərəcə yandırmaz. başqa entrylərində fəxrlə içdikləri içkilərdən, çəkdikləri siqaretlərdən danışan adamlar gəlib burda orucdan, öz inancı uğrunda bir neçə saat susuz qalan müsəlman haqqında danışanda adamın əti tökülür, vallah. özü də qıraqdan baxanda çox gülməli görünür. çox.
indi bir ağıllı da çıxıb deyəcək ki, həmin adamın içki içməyi, siqaret çəkməyi 45 dərəcədə 16 saat susuz qalan insanın bədəninə ziyan vurduğu həqiqətini dəyişdirməz.
mən də həmin ağıllıya deyəcəm ki, get özünü şillələ. izah eliyim nəyə görə. mən özüm şəxsən 70 ildi oruc tutan adamlar tanıyıram, maşallah hamısı at kimidi. mən bu yaşa gəlmişəm hələ oruc tutduğuna görə ölən adam görməmişəm. ki sağlam adamın orucla bağlı hər-hansı problem yaşamağı qeyri-mümkündü. sağlam olmayanlar da onsuz da orucla mükəlləf deyillər.
amma mən içkiyə görə dağılan ailələr görmüşəm. içkini adamı hansı vəziyyətə saldığını öz gözlərimlə görmüşəm. elə burda da görməkdəyəm...

bir də sizə bir söz deyim. başqa vaxt azadlıqdan, insandan, hörmətdən, tolerantlıqdan danışan adamların belə ikiüzlülüyünü görəndə sadəcə olaraq təəssüflənirəm. başqa vaxt müsəlmanın onun həyatına müdaxiləsindən şikayətlənənlərin belə ikiüzlülüyünü görəndə təəccüblənirəm. bir az səmimi olun. bilirəm çətindi sizinüçün. amma ən azından çalışın buna.

bir də bəziləri başqalarınının həyatına müdaxilədən danışırlar. amma özləri bunu edirlər.
tam paradoks. ramazanda iftar açanda elələrilə qabaq-qabağa oturub mədinə xurmasından yeyib, zəmzəm suyundan içməyin həzzi ölçülə bilməz.