1. 1831-ci ildə rusiyada soylu bir ailənin qızı olaraq doğulan yelena 1850-ci ildə sahib olduğu mirasdan imtina edərək həyatını dünyadakı bütün müdrikliyi bir yerə toplamağa adadı və bu səbəblə, qadınların cəmiyyətdə ikinci rolda olduğu vaxtlarda hindistanı, tibeti, orta asiyanı, afrikanı, avropa və amerikanı tək başına gəzdi. yelena həyatı boyunca heç nə icad etmədiyini, təkcə dağılmış çiçəkləri zaman və məsafəyə aldırmayaraq əsərlərində topladığını deyir. qoyub getdiyi əsərlərlə tarixdə iz buraxan fiqurlardan biridir. həyatı düşüncələrinin bir yansıması idi və məqsədi uğruna ölməyi gözə alıb öz yolunu getmişdir. 1891-ci ildə londonda dünyasını dəyişmişdir.

fəlsəfənin insanların hiylələri, batil inancları və yalanları ilə korlanıb kölgədə qaldığını, onu bu qaba yönlərindən təmizləyərək köhnə saflığının qazandırılması və təkrar fəlsəfi qanunlar üzərinə oturdulmasının lazımlığını vurğulamışdır. "həqiqətdən üstün heç nə yoxdur" sloqanı ilə teosofiya cəmiyyətini qurmuşdur. antik dillərə hakim olub, öz vaxtına qədər çevrilməyən antika əsərləri çevirib qərbə təqdim etmişdir. şərq və qərbdəki bütün müdrikliyi birləşdirmiş, yazdığı kitablar və məqalələrlə özündən sonra gələn filosofları heyran qoymuşdur. elm, sənət və fəlsəfəni birləşdirərək kainata və insana fərqli bir şəkildə baxmağı öyrətmişdir.