4. "türk ədəbiyyatı 20.ci əsrdən formalaşıb" kimi səhv yargı cümləsini hansı əsaslara dayandırılaraq yazıldığını anlamış deyiləm?! bütün xoş məramımla yazarın bu cümləni yazarkən diqqətsiz davrandığını düşünmək istəyirəm...çünkü, bu iddianı ortaya atmaq üçün ən azından tanzimat dönemi ədəbiyatından, edebiyat-ı cedide, yəni servet-i fünün ədəbiyatından xəbərsiz olmaq gərəkir, hələ divan ədəbiyyatını demirəm...roman janrının türk ədəbiyyatına girməsi tanzimat dönemində edilən intensiv tərcümələr yoluyla başlayır ki, bu dönemin de başlanğıcı 1860-cı illərə təsadüf edir... israil əsilli kültür nəzəriyyəçisi itemar even-zohar'ın çoxlusistem (polysystem) nəzəriyyəsinə görə ədəbiyyat sistemi durağan vəya qeyri-məhsuldar halda olduğu zaman, tərcümələr yoluyla ədəbi sistemə tanış olmayan janrlar sistemə daxil olur...bu da yuxarıda bəhs edilən fenomeni açıqlamaqda tamamilə yerinə düşür...

dediyim kimi, yuxarıdakı cümləni yazmaq koskoca halid ziya uşaklıgilləri, ahmet mithat efendiləri, hüseyin rahmi gürpınarları, namık kemalları və adını sadalamadığım yazarları yox saymaq deməkdir...üstəlik bu yazarların bir qisminin həyat və yaradıcılığı müstəqillikdən sonra müasir azərbaycan ədəbiyyatı dərsliklərinə salınmalarına rəğmən...