99. ----- alıntı-----
10-cu sinifdəydim. sinifdəydik. direktor, yanında da bir kişi, girdilər içəri. direktorumuz kişini təqdim elədi; bu, qəşəm məllimdi, psixoloqdu... dedim, nə, psixoloq? qəşəm məllim dedi hə, psixoloq. mən də guya hazırcavabam axı, yerdən qayıtdım ki, demişdim də, məktəb deyil, dəlixanadı bura! direktor üstümə şığımaq istəyirdi, təzə psixoloqumuz tutdu qolundan, dedi bunu bana bırak.
...dərsdən sonra dedilər qəşəm məllim anar sərdarlını, bir də səni aşağıda gözləyir. getdik. otağa girən kimi tutdu qolumdan - əlimə yaşıl flomasterlə ata, ana yazmışdım - göstərdi, dedi bu nədi, əsgərlikdə olmusan? dedim hə, 7-ci sinifdən əsgərliyə gedib, qayıdıb davamını oxuyuram. anar güldü, direktorla bu gülmədi. direktordan xahiş elədi ki, bizi tək qoysun. anar otaqda tək qalmaqla bağlı uğursuz zarafat elədi. direktor çıxdı, qəşəm məllim anara bir sillə; nədəə sənin problemin? dedim əl saxla, igid, yetim uşaqdı, niyə vurursan? anar fonda ağlayır, mən də həzin-həzin nəql eləyirəm... bəs bunun atası müharibədə şəhid olub, anası 2 yerdə işləyir ki, 6 uşağa baxsın... gördüm qəşəm məllim ilham mirzəyev sifəti aldı, atdım ikiyə; hə, hə, anar özü də gecələr avtoservisdə işləyir, maşın farasında dərs oxuyur, qəşəm məllim. adam kövrəldi. anarın boynunu qucaqladı, hıçqıra-hıçqıra dedi, möhkəm ol oğlum, həyat bəzən çox qəddardır, amma təslim olma, məğrurluğunu itirmə! xeyli ağlaşdıq... çıxanda anardan icazə istədi ki, bu barədə özünün "pərvanə" qəzetində yazsın... razılaşdılar. çıxdıq yuxarı. zəng vurulub. direktor sinifdə bizi gözləyir. girdik sinfə, bizi süzdü çıxdı... 10 dəqiqə sonra direktor əlində odun, arxasınca da qəşəm məllim girdilər otağa. dedi ə, sən nə heyvərə adamsanmış! yetim dediyin gədənin atası milyoneriymiş... mənim hisslərimlə niyə oynayırsan-filan, direktor qarışıqlıdan istifadə elədi, mənə birini tutuzdurdu. ürəyi soyumadı, birini də qoydu, psixoloq sakitləşdi... danladılar, direktor arada yenə vurdu, yenə danladılar... çıxanda qəşəm məllim çöndü arxaya, dedi ki, sənin kimi heyvərələri məktəbdən rədd eləmək lazımdı ki, burda ancaq vətənimizə, millətimizə layiqli övladlar yetişsin. sonra da əlavə elədi ki, axı səndən olan övlad nə olacaq?! elə xətrimə dəydi, elə xətrimə dəydi...
...15 il keçib bu hadisədən. 10 il sonra öyrənmişəm ki, o qəşəm məllim kəramət böyükçölün atasıymış... burdan demək istəyirəm ki, kəramətinə şükür, qəşəm məllim, budu vətənə-millətə layiqli övlad?
----- alıntı-----