4. haneke filmlər adətən eyni templə başlayır və həmin templə də bitir. sonda ola bilər dramatik nəsə olsun amma əksərən belə davam edir. məsələn asghar farhadinin filmləri əsasən sakit templə başlayır. hər şey öz yolunda gedir. filmin ortasında hansısa bir hadisə baş verir və hamının fikri o hadisəyə yönlənir. ancaq haneke filmləri belə deyil. ümumiyyətlə haneke filmlərinə çox soyuqqanlı yanaşır və o yalnız göstərir, danışmır. haneke yuxarı təbəqənin kütlüyünü, özündənrazılığını tənqid edir və heç vaxt güzəştə getmir. 2000-ci ildən etibarən haneke vətənində film çəkmir, səbəb isə faşizm meylli partiyanın lideri yorq hayderin seçkilərdə qələbə qazanmağı olur. və son olaraq "əsas məsələ onda deyil ki, mən zorakılığı necə göstərirəm, mən zorakılığı yox, ona münasibətdə tamaşaçının vəziyyətini özünə göstərirəm". bu cümlə hanekenin bütün yaradıcılığını xarakterizə edir.