368. yata bilmirəm yenə sözlük. bu ikinci gündür artıq zombi kimi gəzirəm. düşüncələr imkan vermir mənə yatım. beynimdə sonsuz döngüyə girən hadisələr, insanlar, sözlər, peşmanlığlarım, uğursuzluqlarım, gecikmələrim...
bunu dayandıra bilmirəm heç cürə. beynimdə yenə doğum sancılarına bənzər migren.
mogwai-take me somewhere nice çalır yenə qulaqlığımda. çöldə yağış yağır durmadan. və yenə fikirləşməyə davam eliyirəm. heçkəsə məni sorğulamaq icazəsini vermədiyim üçün bu iş yenə mənə qalır.
saat 3, 4, 5... hava bozumtul rənglərə bürünəcək birazdan. yenə.
bəxtim gətirsə hava yaxşı olsa özümü çölə atacam yenə. ya bütün gün yağmış yağışdan islanmış küçələrə ya da məktəbə. fərq eləmir əslində. insanların çox olacağı bir yer olsun bəs eliyər məncə.
yenə eyni monoton həyat məni gözləyir səbirsizliklə çöldə. bu otağın xaricində.
eyni monoton küçələr, 90 saniyə intervallı svetoforlar, harasa tələsən işgüzar insanlar, qol-qola girmiş cütlüklər...
the smiths-asleep gedir qulaqlığımda. bəlkə də bu playlisti silməyin vaxtı gəlib çatıb.
yenə eyni səmimiyyətsiz necəsən? sualları var adətən günümün davamında.
onlara cavabım yaxşıyam olsa da sənə cavabım yorğunamdır sözlük.
yoruldum sözlük yoruldum.