5. deməli 1924-cü ilə qədər qadınlar və eyni ilə uşaqlara siqarət satmaq yaxşı hərəkət sayılmırdı. ta ki "hər şey məqbuldur" ifadəsi ortaya çıxana qədər. bu ifadədən sonra qadınlar da öz əks cinslərində olduğu kimi, pis alışqanlıqlara sahib olmaq hüquqlarının olduğunu düşünməyə başladılar. bircə qalırdı qadınları siqarət bazarına cəlb etmək. "philip morris" şirkəti öz yeni siqaret markasına kütlələri cəlb edəcək bir ad axtarışındaydı. həmin günlərdə qəzet manşetlərində, radio və jurnallarda vinston çörçilin adı tez-tez marlborough con çörçill (18-ci əsr ingiltərə dövlət xadimi) ilə yanaşı səslənirdi. reklam agentləri də yeni istehsal olunacaq markaya məhz " marlborough" adını verməyə qərara aldılar, amma daha sonra bu adın daha dilə yatımlı olması üçün adın sonundakı ‘ugh’ hissəciyini atdılar. beləliklə, qadınlar üçün yeni bir “allah” doğuldu -"marlboro". 1920-ci illərdəki "marlboro" reklamlarında cəmiyyətə daha çox bu siqaretin nə qədər incə və zərif olduğu aşılanırdı. qadın dodaq boyasının bilinməməsi üçün "marlboro"nun filtrini qırmızı rəngə boyadılar və yeni bir reklam sloqanı ortaya çıxdı: “ dodaqlarınızı siqaret tütünündən qoruyan gözəllik”. nəticədə, "marlboro", öz şirkətinin xərclərini qarşılayacaq dərəcədə böyük alıcı kütləsini qazana bildi. ancaq buna baxmayaraq 1950-ci illərin əvvəllərində alimlərin ağciyər xərçəngi ilə siqaret arasında bağlılığından bəhs etməsi 1953-cü ildə ilk dəfə amerikada siqaret satışlarının kəskin şəkildə aşağı düşməsinə səbəb olur. şirkətlərdə istehsal olunan siqaret çeşidlərinin ən zərərvericisi filtrsiz siqaretlər idi. ancaq həmin illərdə filtirli siqaretlər yalnız qadınlar üşün hazırlandığından kişilər filtirli siqarət çəkib gülünc vəziyyətə düşməkdən çəkinirdi. bu səbəbdən philip morris "marlboro"nun cinsiyyətini dəyişmək qərarına gəldi və bu işi leo burnettə həvalə etdi. burnet marlboronu qadınlıqdan çıxararaq əsli kişi siqareti edə bildi. deyilənə görə, 50-ci illərin əvvələrində nyu-yorkda keçirilən bir tədbirdə iştirak edən siqaret şirkətlərinin sahibləri kiçik bir mübahisə ediblər. mübahisənin əsas mövzusu hansı şirkətin siqaretinin daha keyfiyyətli olması ilə bağlıymış. mübahisə uzanır, tərəflər isə razılığa gələ bilmirlər, elə bu dəmdə "philip morris" şirkətinin sahibi mübahisə iştirakçılarından belə bir xahiş edir ; hər kəs cibindəki siqaret qutusunu çıxarıb stolun üstünə qoysun. və nəticədə çox maraqlı bir situasiya yaranır, - stolun üstündəki bütün qutuların üstünə "marlboro" yazılmışdı.