35. işləməmək. tez tez nəsə öyrənmək. məsələn həvəsim yarananda bir neçə həftə 3d-modelləmə öyrənmək. sonra başqa vaxtı hansısa proqramlama dilini öyrənmək. bir başqa vaxtı skeç çəkməyi öyrənmək. hansısa tarixi hadisəni araşdırmaq. hansısa təbii hadisənin səbəbini araşdırmaq. bir fiziki qanuna uyğunluğu başa düşmək. riyazi bir qanunu sübutunu başa düşmək və s. işləməyəcəm deməyimə baxmayaraq, mən təmbəl deyiləm. bəlkə də təmbələm, amma özümə təmbəl deyə bilmirəm. sadəcə mən çox tez-tez bayraq dəyişdirirəm. həvəsim yaranan şeylərlə gündə 14-15 saat məşğul olduğum vaxtlar olub. qab yuyanda, yemək bişirəndə də fikrim hələ də onlarda qalıb. təmbəl deyə bilmərəm özümə. sadəcə öyrənmək fazasını keçdikdən sonra heçnə ləzzət vermir. mən bütün şeylərin ilkin mərhələsində yaxşıyam. sonrasında bərbad adamam. başqa həvəs tapana kimi. bu həvəslərimə vaxt ayıra biləcəyim məkan və pulum olsa, asosial olaraq ömrümün axırına kimi yaşaya bilərəm. məncə çox adam belədi.