42. əslində gənc yaşlarında yəhudilərə qarşı pis düşüncələri olmayan, yaxın dostu yəhudi olan və yəhudi ailə həkimlərinə tərif dolu məktublar yazan biri idi hitler. hətta yəhudi ailə həkimləri dr.bloch atasını itirmiş hitlerə həm dərman həm də maddi kömək göstərirdi. hər şey alman işçi partiyasının keçirdiyi yığıncaqlara qatıldığı gündən dəyişdi. o dönəmlərdə avropada onsuzda antisemitizm çox yayılmışdı və üstəgəl sion protokolları insanlarda dünyanı "idarə etməyə" çalışan yəhudi nifrəti yaratmışdı. bir yandan bolşevik inqilabı liderlərinin, marksistlərin əksəriyyətinin yəhudi olması və almaniyanın o vaxtki ağır vəziyyətinin səbəbinin marksistlər olması düşüncələri alman işçilərində yəhudilərə qarşı nifrət oyatmışdı. almaniyada həkim, müəllim və bu kimi savad tələb edən sahələrdə yəhudilər çoxluq təşkil edirdi və alman xalqı bunu yəhudilər arasındakı "gizli dayanışma" ilə əlaqələndirirdi. yəhudilərin bir birlərini dəstəkləyib almaniya ilə yanaşı dünyanı ələ keçirəcəklərini düşünürdülər. bu dönəm həyatı boyu uğursuz olan və dərin sarsıntılar keçirən hitler üçün günah keçisi əlbəttə yəhudilər olmalı idi. həmişə zəif insanlar dönüb öz səhvlərinə baxmaq əvəzinə ya ailələrini ya da yollarına çıxan başqa şeyləri günahlandırırlar. hitlerin mübarizəm kitabındakı və çıxışlarındakı antisemit fikirləri "klişe" fikirlər idi. hətta mussolini hitlerin mübarizəm kitabındakı fikirlərini adi, şablon fikirlər adlandırır. kaş insanlar eşitdikləri, oxuduqları şeylərə şübhə ilə yanaşmağı öyrənə bilsəydilər.. kaş hitler oxuduğu antisemit yalanlar haqqında düşünüb həqiqəti tapmağa çalışsaydı.. heyif.

tanım: heç bir insan zəhərli düşüncələr ilə zəhərlənmədiyi təqdirdə müharibə və nifrətə meyilli olmur. hitleri qatil edən, zəhərləndirən düşüncələr bugün hitlerin əli ilı başqalarını zəhərləndirir.