1. 2003-cü ildə qurulmuş əsasən elektrikli avtomobillər istehsal edən abş şirkəti.

indiyə qədər 2 tesla modeli istehsal olunub; tesla roadster və tesla model s. yaxın gələcəkdə tesla model x-in işıq üzü görəcəyi gözlənilir.

şirkətin əsas istehsal strategiyası budur ki, ilk öncə elektrikli idman avtomobili istehsal olunsun, ondan sonra lyuks kateqoriyasına aid avtomobil, şirkətin gəlirləri artdıqdan sonra isə, əksər insanların ala biləcəyi qiymətdə olan ailə avtomobili satışa buraxılsın. ardıcıl olaraq bu modellər tesla roadster, tesla model s və tesla model x-dir.

şirkət son illərdə güclü maliyyə axını cəlb etməyi bacarıb, istehsal həcmi isə hələ də qoyulan investisiyaları doğrultmur. şirkətin qurucularından olan elon musk şirkətin gələcəkdə böyük uğurlar əldə edəcəyini deyir. şirkətin istehsal etdiyi avtomobillər həqiqətən də dünya elektrikli avtomobillər bazarında ən uğurlu məhsul olaraq qalırlar.