1. böyük partlayışdan sonra çox isti və sıx olan kainatda güclü nüvə qüvvəsinin digər qüvvələrdən ayrıldığı mərhələdə yaranan qara dəliklərə verilən ad. bu proses kainatın hər yerində eyni anda getmədiyi üçün hər tərəfə düşən enerji qeyri-bərabər paylanır və daha çox sıxlıq olan yerlərdə qravitasiya qüvvəsi daha çox olur; nəticədə öz içində çökən bu yerlərdə qara dəliklər yaranır. bu qara dəliklərin kütləsi çox azdır və böyük partlayışdan bu yana hawking şüalanmasının təsirilə kütlələrinin daha da azaldığı düşünülür.