12. manatın 35% ucuzlaşmasının mənfi təsir edəcəyi düşünülən borc sistemi. aşağıdakı linkdə və bayaq televizorda xəbərlərdə gördüklərimə əsaslansaq narahatçılığa gərək yoxdur. söhbət bankların dollarla verdiyi və ödəməni dollarla tələb edən müqavilə bağladığı kreditlərdən gedir.

"Mülki Məcəllənin 439.7-ci maddəsinə görə, əgər ödəniş müddəti çatanadək pul vahidinin dəyəri (məzənnə) artmış və ya azalmışsa və ya valyuta dəyişmişsə, borclu ödənişi, əgər bu Məcəllədə və ya müqavilədə ayrı qayda nəzərdə tutulmayıbsa, öhdəliyin əmələ gəldiyi vaxta uyğun məzənnə üzrə yerinə yetirməlidir. Valyuta dəyişdikdə mübadilə münasibətlərinin əsasını valyutanın dəyişdiyi gün həmin pul vahidləri arasında mövcud olmuş məzənnə təşkil etməlidir. Bizim müşahidələrimizə görə, xeyli müddətdir Dollar/Manat məzənnəsi sabit qaldığından banklar kredit müqavilələrində belə bir maddə nəzərdə tutmurdular. Yəni, əhali və şirkətlər xarici valyutada, o cümlədən dollarda götürdükləri kreditlər üzrə borclarını borcu götürdükləri və ya müqaviləni bağladıqları tarixə mövcud olmuş məzənnə ilə ödəməli olacaqlar. Tələbə görə, borc dollarda ifadə olunsa da, ödəniş manat ilə aparılmalıdır. Qısası, yaranmış vəziyyət borcu dollarda götürənlərin çoxlarının xeyrinədir. Tutaq ki, indiyədək banka aylıq 100 dollar kredit borcu olan şəxs kassaya 79 manat ödəyirdisə, bu gün 105 manat deyil, yenə 79 manat (83 dollar- Marja) ödəyərək aylıq borcunu bağlaya bilər. Bunu Mülki Məcəllə deyir".

mənbə

(bax: 21 fevral 2015 manatın devalvasiyası)

edit: neçə ay bundan əvvəldən bankların çoxu krediti dollarla verməyə başlamışdı. onda başa düşmürdüm niyə belə etdiklərini. sən demə o vaxtdan bankların manatın öləcəyindən xəbəri varmış! amma yenə də mülki məcəllənin yuxardakı maddəsinin bizim xeyrimizə işləcəyinə ümid edək -*

edit 2: sən demə banklar kredit verəndə bizə imzalatdıqları müqavilədə deyilir ki borcalan ödəniş edəndə cari məzənnə ilə ödəniş etməlidir. ya da bu mənaya gələn başqa bir cümlə var müqavilədə, hansı ki mülki məcəlləyə tərs gedir. hüquqşünas deyiləm amma mənə elə gəlir ki mülki məcəlləyə tərs gedən maddə əlavə olunması qanunsuzdur. amma yenə də heç bir bank buna qoz qoymur və yeni məzənnə ilə bizdən tələb edəcəklər ödənişi. və beləcə mülki məcəllənin bizə "kömək edəcəyini" düşündüyüm maddəsi öz qüvvəsini itirmiş olur.

(baxma: mövcud olan amma qoz qoyulmayan məcəllə)