14. entryni əvvəldən axıra qədər səbr edib oxuya bilənlərə öncədən dərin təşəkkürlər.

yaxın keçmişdə azad seksin təbliği proqressiv gəncliyin prioriteti idisə, indi bunun tam əksini müşahidə edirəm. azərbaycana seksual inqilabın ideyası da trend çərçivəsində gəldi. sonra trend seksual inqilabnan məzələnmək oldu, camaat başladı məzələnməyə. amma əslində məsələ çox qəlizdi. çox adamın içinə soxub oturduğu seksual inqilab məsələsinin kökündə ağır bir tabu durub. yüngülvari məsələsə üstündə baş sındıran adam o ağır sual ilə qarşı-qarşıya gəlir. "seksual inqilab peysərlikdir mi?" indi qayıdırıq proqressiv gəncliyə. problemin kökü bundadır ki, həmin o gənclik də yoxdu əslində. heç kim peysər olmaq istəmir. arada bir party-dən party-ə seksual inqilabı dəstəkləyənlər 5 bakal pivədən sonra belə "bəs sənin bacın üçün olsun seksual inqilab?" sualına ən yaxşı halda "yox", ən pis halda dava-qırğın çıxararaq cavab verir. yəni həmin o sırğalı gənc də seksual inqilabın onun bacısından yan keçməsini istəyir. elə olmur axı kərbəlai, alınmır.sən qıza tükəzban de, təhqir elə amma söhbət bacından düşəndə ev qızı olsun?

məsələ əslində çox bəsitdir. seksual inqilab cəmiyyətin sürətli şəkildə peysərləşməsindən keçir. sən bunu istəyirsən mi?

el arasında məşhur qürur mənbəyimiz var. hətta, televiziyalarda da dəfələrnən yorulmadan,usanmadan təkrarlayıb milli orqazm olurlar tez-tez. "dünyanın heç bir dilində qeyrət sözü yoxdur". bəlkə də həqiqətən heç bir dilində yoxdu, amma çox dildə olmadığı dəqiqdi. bilirsiz niyə? çünki, heç kimə bu söz və bu anlayış lazım deyil artıq. yəni, kabaca desək bütün toplum qeyrətsiz,namussuz,peysər olandan sonra artıq bu tabu olmaqdan çıxır. həqiqətən də, hamının peysər olduğu toplumda sən peysər deyərək kimi təhqir edə bilərsən axı?

mütləq pis və mütləq yaxşı heç bir şeyin olmadığı dəqiqdi. alın yazımız (doğulduğumuz ölkəni,ailəni və.s seçmirik) bizi avropa,abş cəmiyyətlərindən 50-100 il geridə yaşamağa məcbur etməsinin pis tərəfi sürünməkdisə, yaxşı tərəfi də gələcəyi görmək fürsətidir. sən ən inkişaf etmiş toplumda yaşayıb gələcəyini təxmin edə bilməzsən, amma ortada bir yerdə olanda belə bir fürsət düşür əlinə. eyni sənin elədiyin bu uşaq söhbətlərini avropada çoxdan eləyiblər, sən unikal deyilsən, həmin o "bakirəlik, ana-bacı söhbəti bir zamanlar avropada da önəmli idi" kimi faktlarnan qarşı-qarşıya gəlib düşünə bilmək sənin əlindədi.

insan dəqiq və səmimi olmalıdır. olub-keçəni, həyatı dərk etməlidir. insan həyatının çox qısa olduğunu başa düşmək üçün fitri istedada da sahib olmaq lazım deyil.