2. iki məqaləsi ilə özünü önəmli və tanınmış bir filosofa çevirən fransız. dekonstruktiv tənqid üsülu ilə tanınmış və bu tənqid üsulunun təməlini qoymuş, atlantik okeanın hər iki sahilində akademik ulduza çevrilən şəxsdir. writing and difference, speech and phenomena, of grammatology kimi əsərlərin yazarı olan derridaya görə sözlər istisna hallarda ilk saniyədə ifadə etdikləri mənanı nəzərdə tuturlar. əslində isə sözlərin gizli mənaları vardır və bu sözlərin arxasında qərəzlər və dilemmalar mövcuddur. o, əsərləri, məqalələri dekonstruktiv analizlərin sayəsində ayrı-ayrı hissələrə parçalayıb, orda olan gizli məqamları aşkar edirdi. karyerasının ilk vaxtlarında qəribə xarakteri, hərəkətləri ilə seçilirdi. məsələn, o şəkil çəkdirməyə qarşı çıxırdı və kiminsə onun şəklini çəkməsinə icazə vermirdi. ancaq, ömrünün son vaxtlarında artıq bu cür kaprizlər etmirdi. o, yaşadığı dövrdə başqa intellektuallardan fərqli olaraq müharibədən sonra siyasətə daxil olmamışdı.