3. bilirsən sözlük, heç sevmirəm gündəmi. insanı uzaqlaşdırır. o qədər çox şeydən uzaqlaşdırır ki, insanı uzaqlaşdırır cümləsinə daxil eləməyə əlim gəlmədi.

gündəm nədi? gündəm söhbət mövzusudu. gündəm birilərinin həyatıdı, hadisələr toplusudu, bəlkə də sənsən. gündəm sosiallaşdıran, birilərinə və bir şeylərə bağlanma vasitəndi. gündəm sənin həyatda mövqeyini qorumağına, ən azından itirməməyinə kömək edən yoldu. indi gündəm sosial mediadı. tvitterdə haştaq açıb car çəkməkdi, etiraz eləməkdi, mövqe qoymaqdı, bəyənmək, bəyənilməkdi, məqsədyönlü yaşama şəklindi gündəm. insanın ən ali məqsədi olan "daha çox"lara aparan cığırdı gündəm. birilərinin də işidi gündəm. sənə bunları çatdırmaqdı. sən də başqa biriləri ilə üz-üzə susmaqdan çəkindiyinçün əlaqə vasitəndi. həyata atılmaq deyilən o poxun bir parçasıdı. heç sevmirəm gündəmi. günlük yaşayırsan sanki. bugün sabah, sabah o biri gün, dünən bu gün falan filan. durmadan hesab aparırsan. 24 saat bəs eləmir. çalışırsan karvandan qopmayasan. içindəki maraq duyğusuna qalib gələ bilmirsən. maraq olduğunu da sanmıram düzü, bir çox insan üçün. və ən böyük bəlamız olan paylaşmaq duyğusu. biriləri ilə ortaq bir şeylərə sahib olduğuna uşaq kimi sevinmək necə cılız bir duyğudu, necə ucuz bir çabadı.

göz görə-görə özünü verib dalğaların ağuşuna istəklərinin ardından qaçıb itirməmək adına çırpınmaq üçün uzaqlaşırıq kəşf olunacaq daha böyük, daha dəyərli gerçəkliklərdən. insan sevdiyindən niyə qaçsın ki?