7. (baxma: islamı qəbul edərək türkləşmək)
bəlkə başlıqla çox əlaqəli olmayacaq, ancaq bu ifadəni bir çox yerdə görmüşəm, xüsusən də azərbaycanlı və türk tarixçilərin (!) yazılarında. deməli, belə çıxır ki, türklər müsəlmanlığı qəbul etməmişdən qabaq türk olmayıblar. nəysə, sözüm onda yox. bu ifadədən yola çıxaraq başa düşə bilərik ki, niyə türk tarixçilər (!) bütün dünyanın türklərdən gəldiyini iddia edir. deməli, onlar fikirləşirlər ki, müsəlman olan hər kəs türkdür, türk olan hər kəs müsəlmandır. bunu da keçək.
əvvəla, islam bir dindir, türk də bir xalqın adıdır. insan doğulanda bir millətə mənsub olur, ancaq bir dinə yox. ailəsi hansı dinə bağlıdırsa, uşağı da elə yetişdirirlər. bir müsəlman qara dərili insanın, eyni zamanda, türk olduğunu düşün. axmaqca səslənir, elə deyilmi?
indi gələk islamdan çıxanın türklükdən çıxıb-çıxmamağına. türklər islamı qəbul edəndən sonra (deyilənə görə öz istəkləri ilə qəbul ediblər) islamı öz köhnə inancları ilə birləşdirib elə müsəlman olublar. yəni tam olaraq ərəblərin islamını qəbul etməyiblər, öz inanclarından da vaz keçməyiblər. islamda öz inancları ilə uyğunlaşan adətlər gördükləri üçün islamı qəbul ediblər. ondan sonra 6 əsr hökm sürən osmanlı da islami dövlət olduğu üçün, türklüklə müsəlmanlığın bərabər ilərləyib. buna görə də insanların beynində belə bir fikir formalaşıb ki, türk olan, həmçinin, müsəlman olur. belə bir şey yoxdur. türklər müsəlman ola bilərlər, ancaq türklüklə müsəlmanlıq eyni şey deyil. və bu iki qavramı da qarşılaşdırarkən birinin din, birinin xalq olduğunu nəzərə alsaq, qarşılaşdırma mənasızdır və iddia edilən fikir başdan-ayağa səhvdir.