3. programlarına, kosmik aparatlarına, gəmilərinə möhtəşəm adlar seçən agentlik. deyəcəksiz gördüyü işlər bir yanda qaldı, sən adlara ilişdin? mənim üçün çox motivasiya edici şeydir bir proyektin adı. məsələn program var idi, hansında ki, kosmik gəmilər yer orbitində müxtəlif birləşmə manevrləri yerinə yetirməli idilər. (bax: rendezvous manevri)

bu programda iki eyni gəmi, insanlı ya da insansız, ya da biri insanlı biri insansız və yaxud da iki müxtəlif gəmi səmada rendezvous manevri edib birləşməli, docking həyata keçirməli idi. program gemini programı adlanırdı. bilməyənlər üçün gemini əkizlər bürcüdür. bundan daha kreativ ad? gəmilər bir-biri ilə yanaşı durmalı idilər, eynilə ekizlər kimi.
məşhur apollo programını götürək. ilk və sonuncu dəfə insanı aya aparan programdır. bu barədə mənasız fikirlər var, guya getmiyiblər, studio işıqları falan filan. bekara iddialardı. apollo yunan mifologiyasında sərrast oxatan tanrıdır. doğurdan da sərrastlıq tələb edən bir program idi. sadəcə bir oxunuz var, və onu yerdən aya doğru atırsınız. özü də yerin, ayın, fırlanmasını nəzərə alırsınız. sizi təəccübləndirəcək bir məlumat verim. kosmik gəmilər o zamanlarda əksər manevrlərdə astronaftlar tərəfindən manual olaraq idarə olunurdu.
marsın qütb bölgələrinə mars polar lander adlı aparat göndərilir. su tapmaq ümidi ilə. aparat uğursuz olur, marsa eniş zamanı yerə çırpılıb yanır. ondan sonra eyni nöqtəyə daha bir aparat göndərirlər və bu aparatın adı, feniks olur. feniks quşu yunan mifologiyasında həyatının sonunda yanaraq ölən və külündən yenidən doğulan quşdur. ikinci aparatın adını nəyə görə feniks qoyulması məncə indi aydındır.
və yaxud da marsa göndərilən sonuncu mühəndislik möcüzəsi aparat, curiosity. hər şeyi bilmə həvəsi, arzu deməkdir.
saturna göndərilən zond, galiley. saturn və onun peykləri qalileyə dünyanın günəş ətrafında fırlandığını başa düşmək üçün kömək eləmişdi. saturnun müşahidəsi, halqaları, peykləri haqqında çox şey qalileyin adı ilə bağlıdır, niyə də saturna gedən zondun adını qaliley qoymasınlar.
insan tərəfindən düzəldilən ən sürətli aparatlar. voyager 1 və voyager 2 içlərinə məşhur voyager golden record yerləşdirilən aparatlardır. hərəsi günəş sistemini tərk edəcək sürətlərə qədər gətiriliblər. indi ulduzlar arası fəzada səyahət edirlər. adları da buna uyğun qoyulub voyager, səyyah.