2. avropanın ilk faşist lideri, adolf hitlerin ilham qaynağı olan şəxs. italiyada faşist hərəkatı 1919-cu ildə fascio di combattimento adlı təşkilatın yaranmasıyla başlanması məlumdur. bu təşkilat 1 il sonra partiya halına gələrkən köhnə sosialist olan, ancaq indinin faşisti mussolini partiyanın sədri seçildi. bu partiya və mussolini 1943-cü ilə qədər italiyada hakim oldu. mussolini qısa vaxt içində ölkədə dəyişikliklər etdi: mərkəzi hökuməti gücləndirdi, müxalifəti aradan götürdü,ticarəti canlandırdı. onun əsas məqsədi köhnə roma imperatorluğunu yenidən yaratmaq və ölkəsini avropanın əsas güclərindən birinə çevirmək idi.