2. əhmədiyyə cəbrayılovu yada salan başlıq. əslində son dərəcə məşhur olması lazım ikən bir o qədər də tanınmayan əsl qəhrəman. həyatı ən qeyri-adi film ssenarisindən daha maraqlı və keşməkeşli olmuşdur. o dərəcə ki hətta "uzaq sahillərdə" filmi sadəcə gülməli görünərdi. 2ci dünya müharibəsində bir neçə dəfə almanlara əsir düşmüş daha sonra fransa partizanlarına qoşulmuş və hədsiz şücaətlərə görə fransa milli qəhrəmanı elan edilmişdir. bu ona hərbi parad zamanı generalların önündə getmək hüququ vermişdi. lakin armed mişel ləqəbli qəhrəmanımız fransada qalmaq istəməmiş, hər cür imtiyazları rədd edib vətənə qayıtmışdı. burda isə çox "qədirbilən" hökumətimiz əsir düşdüyünə görə illərlə ona olmazın əziyyətlər vermiş və xəyanətdə günahlandırmışdı. sonradan isə fransanın o vaxtki prezidenti, əhmədiyyə cəbrayılovun silahdaşı olmuş şarl de qoll ssri'yə səfər edərkən onunla şəxsən görüşmək istəmiş, yalnız bundan sonra o normal həyat sürməyə başlamışdır. qəhrəmanımızın bu qədər müsibətlərdən sonra avtomobil qəzasında həlak olması da ayrı bir ironiya idi. yeri gəlmişkən onun oğlu mikayıl cəbrayılov qarabağ döyüşlərindəki misilsiz xidmətlərinə, təkbaşına düşmənin xeyli canlı qüvvəsini məhv etdiyinə görə azərbaycanın milli qəhrəmanı elan edilmişdir. hər ikisini rəhmət və dərin hörmətlə anırıq.