22. cəmiyyətimizi nədən içiboş adlandırdığımı və bununla nə demək istədiyimi tez-tez soruşurlar. hətta bu sözlərimə mənim əvəzimə aşağılayıcı məna verib inciyənləri də gördüm. aşağılama yoxdur burada. "içiboş" - yəni, oturuşmuş ictimai mənaların olmadığı, siyasi söhbətlərin tutmadığı bir ortam. üstəlik, nə qədər ki, solçularımız rusiya'nın, dindarlarımız iran'ın (ərəbistan'ın), millətçilərimiz türkiyə'nin, liberallarımız amerikanın (avropanın) gözüylə baxacaqlar ölkəmizə, toplumda içiboşluq getdikcə artacaq.
bunu bir dəfə yazmışdım - bu coğrafiyada, belə bir dönəmdə bizə vətəndaş millətçiliyi gərəkdir. bunun ilk addımı - özümüzə başqaların gözüylə baxmamaq, özümüzə görə utanmamaq, hər şeyin yaxşısını özümüz üçün arzulamaq, iddialarımızın gerçəkləşməsi yolunda usanmamaqdır. "vətəndaş millətçiliyi"nin geniş açmasını sonra yazaram.