23. dəqiq tarixi bilinməsə də, aprel ayında yazıldığı sayılır. 1845-ci ildə marks məşhur "feyerbax'a dair tezislər"ini yazmışdı. o vaxtdan düz 170 il ötür. kiçik yazı olsa da, marksizmin tarixində önəmli yer tutur.
kommunistlərimiz üçün ideoloji və sinfi düşmən sayılsam da, marks'a və marksizmə sayğım böyükdür. amma mən marks'ı marksist olmaq üçün öyrənməmişəm (hələ də öyrənirəm). geniş anlamda sosial və siyasi biliklər sahəsində ciddi nailiyyətlərə iddialı olan hər kəs marks'ı bilməlidir! marksist olmayanlar üçünsə, xüsusilə önəmlidir.
"feyerbax'a dair tezislər"in 170 illiyi olduğu yadıma düşən kimi, məmməd süleymanov'u və nicat qarayev'i düşündüm (qeyri-iradəvi). məmməd süleymanov'a münasibətim çox məsafəlidir. nicat qarayev'i daha yaxından tanıyıram. qətiyyən razılaşmıram onlarla (fundamental məsələlərdə), amma biliyə sevgisi, öyrənməyə həvəsi və tənqidi düşünmək bacarığı olan hər kəsə dərin hörmət etdiyim kimi, bu iki insana da sayğımı buradan ifadə edirəm.
p.s. amma, öz aramızdı, 11-ci tezis yanlışdır. dünyanı dəyişmək filosofların işi deyil.
c erkin qədirli