40. bir ara televiziyalarımızda adını eşitməkdən bezdiyim şey. yox, demirəm ki, mentalitet pis şeydir. mentalitet lazımlı şeydir. insan dəyərlərini unutduğu an puç olur, yararsız olur, manqurt olur. lakin efirdəki "bomba" oğlanlar, qızlar, özünü hamıdan üstün görən "münsifciklər", camaatı qınamaqla reytinq yığmağa çalışan özünü aparıcı sayanlar tərəfindən tez-tez eşidildi bu kəlimə. "bizim milli mentalitetimizə uyğun deyil bu zad" dedi ağsaqqal. mentalitetin nə olduğunu bilmir bəlkə də.

hər nəyisə. sözüm onda deyil. mentalitet adı ilə insanlara görünməz qadağalar qoydular. demokratik ölkədə insanların etmək istədikləri hərəkətlərə məhz "uydurulmuş mentalitet" ucbatından mane oldular. hal-hazırda, çox təəssüf ki, milli mentaliteti bəziləri hammurapi qanunları kimi yalnız qadağalardan, ağır cəzalardan, insanların etməməli olduğu şeylərin siyahısı kimi görür.

lakin mentalitet qadağalar deyil, adət-ənənələrdir. tarixin dərinliklərindən gələn, illər boyu xalqımızın yaşatdığı adət-ənənələr silsiləsi. qadağalar yox! bunu insanların yadına salmaq lazımdır. amma televiziya vasitəsilə yox. onlar hələ də almaniyanın dağılmasından, fransada pulla satılan diplomlardan danışsınlar.