596. son zamanlarda erotikləşən sözlük. təbii bu mənim xoşuma gəlməyən bir şeydi. əminəm ki, timidus və yanındakılar bu sözlüyü açarkən inci sözlüyü deyil, ekşi sözlüyü rol model olaraq götürüblər ki, bu da ekşi sözlüyün logo'suna bənzəyən logomuzdan və bir neçə şeydən daha aydın olur.

ancaq son bir həftədə açılan başlıqlar, gedən davalar məni bunu yazmağa vadar etdi. indi sirr deyil, sinəsi tüklü şair nick'li yazarımız son günlərdə sözlüyü buzzfeed'ə, inci sözlüyə döndərib. sözün əsl mənasında trolluq edir. getməsini istəyən yazarlar olduğu kimi, qalmasını da istəyən yazarlar var.

ancaq timidus'un söz azadlığı haqqındakı fikirləri nəticəsində hələ ki, sözlükdədir və buna görə də artıq bəzi yazarlar timidus'a qarşı olaraq gic-gic başlıqlar açırlar. mən bundan da narahat oluram. əvvəla, sözlük nə ekşi, nə uludağ, nə də itü sözlük kimi inkişaf etməyib ki, səviyyəli və səviyyəsiz yazarlar bir yerdə ola bilsin (burada səviyyəsiz həmin yazrın şəxsiyyətinə deyil, yazdıqlarına aid edilir). yəni deməyim odur ki, hələ ki, o qədər də böyük deyilik ki, trollar yaxşı yazarların yanında itib batsın. yəni hələ şəhər deyilik, kəndik. şəhərdə bir neçə dəli olsa, fikir verilməz, lakin kənddə bir dəli oldusa, hamı ondan danışar işi-gücü buraxıb. nə təsərrüfatıyla məşğul ola bilər, nə də evi-eşiyiylə.

yəni timidus, moderlər. bizim kəndimiz üçün bir dəli belə çoxdur. camaatın işi tökülüb qalıb. qoy heç olmasa, bir qəsəbəyə çevrilək, bir mikrorayon olaq, ondan sonra gəlib-gedənlərə icazə verərsən.