4. "çırak", "kalfa" və "üstad" dərəcələrindən ibarət qardaşlıq təşkilatı. qardaşlıq təşkilatı deyilməsinin əsas səbəbi masonların bir-birlərinə qardaş deyə müraciət etmələri, "mənəvi" qardaş olmaqlarıdır. ilk üç dərəcəni tamamlayan üstad mason öz istəyi ilə üst dərəcələrə yiyələnə, bilgisini artıra bilər ancaq istəmədiyi halda onu üst dərəcəli masonlardan ayıran heç nə yoxdur. zatən locada çalışmaq üçün üstad olmaq kifayətdir. hər mason loca özündən daha böyük mason locaları və onların təyin etdiyi üstad masonlar tərəfindən idarə olunur. daha böyük mason locaların hamsı isə ritlərə görə fəaliyyət göstərir. dünyada hal-hazırda bir çox rit var: york riti, şotland riti, memphis riti və s. mason locaları nizamlı olub-olmaması ilə seçilməlidir; yəni ki dövlət qanunvericiliyinə uyğun hər kəs bir dərnək yarada və "masonik" olduğunu elan edə bilər ancaq üst localar tərəfindən tanınmadığı halda etdikləri şeylərin masonluq ilə əlaqəsi yoxdur. dünyada bir çox nizamsız loca qadınları və ateistləri üzv olaraq qəbul edir ancaq masonluğun təməl fəlsəfəsində qadınların və inancsızların mason ola bilməyəcəyi gerçəyi var. yəni nizami localar qadın və inancsızları qapılarını açmır. localarda hər həftə/ay/6ay/1il fasilələrlə toplantılar olur; toplantılarda hər hansı bir ciddi səbəb olmadığı təqdirdə iştirak etməmək olmaz.

edit: masonluq gizli təşkilat deyil və dünyanın hər yerində localar ilə fəaliyyət göstərir. tez-tez illuminati və digər ezoterik təşkilatlarla qarışdırılır.