5. fridrix nitsşe
böyük alman filosofu.aleksandr dugin bu insanı belə tanıdır:"naməlum zamanların böyük peyğəmbəri,insanın görmə dairəsindən çox çox uzaqları görən dahi görücü və bununla belə fikirləri həmişə lağlağı ya da çılğınlıq kimi qəbul olunan bədbəxt insan".. ; "o, kütləvi inqilabi dəyişikliklərin təşkilatçısı, devrimçisi, inkarçı, köhnədən qalan hər şeyi şübhə altına alan yeni iradədir"..bir çoxları 20-ci əsr fəlsəfəsinin bütövlükdə niçşenin şərhlərindən başqa bir şey olmadığı qənaətindədir."gələcəyin peyğəmbəri" adlandırılan bu şəxsdən bir neçə seçmə fikirləri çatdırmaq istərdik sizə.məncə nitşe fəlsəfəsini az-çox təsəvvür etməyə yardım edər:
* "zərdüşt dedi:" sülhü məhz yeni müharibələrin arasında sevin.hətta qısa müddətli sülh,uzun müddətlidən daha şirin olur.deyirlər yaxşı məqsəd istənilən müharibədən üstündür.mənsə sizə deyirəm,yaxşı müharibə istənilən məqsəddən üstündür.siz sual edirsiniz xeyirxah kimdir?xeyirxah hünərli olandır."
* "həyat dözülməzdir.o ahəngi korlayan akkordlar qədər amansızdır.insan ruhu da özündə topladığı əzabın köməyilə,eynilə həyat kimi ahəngi korlayır."
* "allah öldü!-o insanlara hüdudsuz mərhəmətindən öldü!"("məhz xristian allahı,özü də məhz insanlara acıdığı üçün ölüb";"allah öldü" və nihilizmin hökmranlığı yetişdi).
* "öz alovlarınızda yanmağa hazır olmalısınız.külləriniz olmadan necə dirilə bilərik ki? "
* "səni sevirəmsə,bundan sənə nə? "
* "zəiflər bizi öz gücümüzdən utanmağa məcbur etdikləri üçün bizə qalib gəldilər."
əlbəttə bu aforizmlərin siyahısını hələ çox artırmaq olar.az qala hər cümləsi ən az 1 kitabın mövzusu olan bu fikirlər bizi düşünməyə vadar etməlidir.məsələdən düşünək görək ki,"öz alovlarımızda yanmağa hazırıqmı?".hayydegervari desək "yeni(başqa) başlanğıc"-a ehtiyaclı olduğumuzu düşünürəm,amma öncə yalnız "küllərimiz qalmalıdır".çünki kül olmadan dirilmək mümkün deyil.katarsis!bəli bu inkar yenidən dirilmədir..