32. (baxma: konstantin simonov)
gözlə məni, gələcəyəm,

ancaq gözlə sən.

gözlə, kədər yağan zaman

qəmli üzündən.

qar yağanda gözlə məni,

gözlə, istidə.

bəziləri unudaraq

gözləməsə də…

gözlə, uzaq yerdən məktub

gəlməsə sənə,

bəziləri yorulsa da

sən gözlə yenə…

gözlə, sən məni, gələcəyəm,

gözlə ürəkdən.

desələr ki, yetər, unut…

baxma, gözlə sən.

amma, oğlum qoy inansın-

artıq ölmüşəm,

dostlar  məni gözləməsin,

gözlərində nəm.

qoy içsinlər acı şərab,

yad edib məni,

tək sən gözlə.

onlarla bir

içmə badəni…

gözlə məni, gələcəyəm

bir aydın səhər.

baxtı varmış- söyləsin qoy

gözləməyənlər.

gözləməyən nə bilir ki,

odlardan belə

xilas etdin həyatımı

gözləməyinlə.

mən sağ qaldım, səbəbisə,

bax, budur, gerçək:

sən bacardın gözləməyi,

yalnız özün tək.