3. yaz vaxtı qaranquşlar gəlib evin divarlarına yuva qururdular. bilən-bilir, elə yuva qururlar ki, palçıqdan və otlardan, evin torpaq divarından fərqlənmir, bərk olur, dağıtmaq çətin olur. nəysə, uşaq vaxtı qaranquş yuvasını uçurmaq günah idi, səbəb isə yazın xəbərçisidirlər, yuvaları uçsa yaz gəlməz, qıtlıq olar. biz də küçənin uşaqları sərçənin anusuna zırpaket qoyub partladan uşaqlarıq, cəsarətə gəlib bu yuvalardan birini uçurduq. o gün raskolnikov havasında gəzdim bütün günü, gecə yata bilmədim. səhər tezdən, bizim həmin cinayətkar dəstə hamımızın sağ olub-olmadığını, evdə, ailəsində nəsə pis bir şey baş verib vermədiyini aydınlaşdırmaq üçün görüşdük. heç bir şey yox idi, amma deyəsən hamı o hissi yaşamışdı deyə bir də qaranquş yuvası dağıtmadıq.