36. gəlin, sizə bir şey etiraf edim.
bakı, doğurdan da, gözəl şəhərdir.
gündüzü ayrı, gecəsi bir ayrı,
bakı doğurdan da, cənnət guşədir.

bakının metrosu yaman sıxlıqdı,
insan istəməyərək mehriban olur.
stress zirvədədir, təyziq 150.
bakı, doğurdan da, gözəl şəhərdir.

avtobuslar müalicəvidir burda
böyrəyində daş qalmaz bir kruqa.
zaval yoxdur ayaq üstə qalana.
bakı, doğurdan da, gözəl şəhərdir.

yediyin dönər yeri səhər bağlanır
səbəbi natəmizlik, ya saxta ətdir.
at ətidir, it ətidir bilinmir,
bakı, doğurdan da, gözəl şəhərdir.

mağazada üç min qoyub çıxanlar,
yaxud çöldə ac-acına duranlar.
burda hər çeşiddə insan tapılar,
bakı, doğurdan da, gözəl şəhərdir.

nə kinayə, nə zarafat edirəm.
mən gündə gördüyümü söyləyirəm.
hərdən öz-özümə sual verirəm.
bakı, doğurdan da, gözəl şəhərdir?