1. 1999 işi, nuri bilge ceylan şedevri. anton çexovun xatirəsinə həsr olunan filmin uzun bir mükafat siyahısı var: 32-ci film yazarları dərnəyində "ən yaxşı rejissor" və "ən yaxşı film"; 36-cı antalya altın portakal film festivalında "ən yaxşı rejissor", "dr. avni tolunay xüsusi mükafatı", "ən yaxşı ikinci film"; 19-cu istanbul beynəlxalq film festivalında "altın lale", "ən yaxşı türk filmi" və sairə və ilaxır.
rejissorun sayca üçüncü filmidir "mayıs sıkıntısı". 1997-ci ildə "kasaba" filmi çəkilir və 1999-da çəkilən "mayıs sıkıntısı" filmində rejissor obrazlı muzaffer adlı şəxsin, çanakkalenin yenice qəsəbəsinə gələrək, "kasaba"filmini çəkdiyi göstərilir.
həmçinin, 2002-ci il işi "uzak" filmi "mayıs sıkıntısı"nın davamı olaraq çəkilib.
iki paralel süjetin müəyyən məqamlarda ideal şəkildə kəsişdiyi "mayıs sıkıntısı"nda, nuri bilge ceylan yenə sözü dialoqlardan çox görüntülərə verir. beləliklə, izləyəcəyiniz ən yaxşı filmlərdən biri sizi gözləyir.