2. ölkəmizdə ikidə-bir "dövlətçilik" sözünü ağzına alanarın bəziləri, adətən aşağı keyfiyyətli adamlardır. bunlar karyeristdir, məqsədləri ya vəzifəyə təyin olunmaqdır, ya vəzifədə yuxarı çıxmaq, ya da ki digər imtiyaz əldə etməkdir. bunlar, həqiqət barədə nəinki susarlar, göz görə-görə onun əksini deyərlər. torba tikmədə və intirqa salmada mahir ustalardır. vəziyyəti düzəltmək üçün konstruktiv təklif verməzlər və "hər şey yaxşıdır, rəisin canı sağ olsun" fəlsəfəsi ilə yaşar. sol ciblərində sabun olar, sağ ciblərini isə rüşvət üçün boş tutarlar. sifətlərində ziyalılıq və mədəniyyət olmaz, ikrah edici baxışları olar. pul və cəmiyyətdə mövqe onlar üçün hər şeydir. özlərini xırda firavun sayar, yaradanı veclərinə almaz, rəisləri isə onların isa məsihidir. lakin rəisin yerinə keçmə imkanı olanda, arxadan bıçağı vurmaqdan çəkinməzlər. hələ də bu xasiyyətsiz anti-milli ünsürləri, rəislər çox sevir, onlarla işləməkdən çəkinmirlər.