1. 2001-ci il zeki demirkubuz işi. film albert camus-un "yad" əsərindən ilhamlanaraq, hətta müəyyən qədər motivlərindən faydalanaraq ərsəyə gəlib.
adətən trierdə görüb, sevdiyimiz yeni xarakter anlayışını, zeki demirkubuz "yazgı"da yaradıb.
həyatda yalnız südlü kofe və rejissorun ənənəvi televizorundan zövq alan, nihilist adam, yenə ənənəvi xəyanətkar, normal evlilik ardınca qaçarkən həyatını məhv edən qadın və yenə ənənəvi üzbəüz qapılı evdə yaşayan savadsız, maço kişi obrazlarını xarakter kimi işləyərkən rejissor, türk filminə yeni xarakter anlayışını gətirib.
bəzən bütün diqqətinizi sovurub, şüurunuzu gərəcək, bəzənsə ayaqlarınızı bir-birinin üstünə atıb, izləyəcəyiniz "yazgı", mənə görə zeki demirkubuzun ən yaxşısıdır.