1. böyük ayətullah şəriətmədari təbrizdə doğulmuş azərbaycan türküdür. öz dini nüfuzundan istifadə edərək 1964-cü ildə həbs edilərək edam cəzası gözləyən ruhulla xomeynini ölümdən qurtarmışdır. o, sırf humanitar mövqedən çıxış edərək, əslində heç bir elmi kvalifikasiyası olmayan xomeyniyə böyük ayətullah rütbəsi verərək ölümdən xilas etmişdir. belə ki, həmin dövrdə iran qanunvericiliyinə görə böyük ayətullah titulu daşıyan ruhanilərin edamı qadağan edilmişdi.

sonrakı illərdə onunla xomeyni arasında azərbaycan ilə bağlı fikir ayrılıqları yaranmağa başladı. o, 1979-cu ilin dekabr ayında böyük ayətullah şəriətmədarini ev dustağına çevirdi və müsəlman xalq respublikası partiyasını qadağan etdi. buna
cavab olaraq, tərbizdə ayağa qalxan xalq şəhərdəki bütün dövlət idarələrini və televiziya binasını tutdu. qısa müddət ərzində bütün azərbaycan şəhərlərində
nəzarət xalqın əlinə keçdi. 1980-ci ilin yanvar ayının sonlarında ruhullah xomeyninin əmri ilə iran ordusunun tank birləşmələri təbrizə hücum etdi. şəhər əhalisinin ciddi müdafiəyə hazırlaşdığı bir məqamda, böyük ayətullah şəriətmədari müqaviməti dayandırmağa çağırdı. xomeyni rəhbərliyindəki fars qoşunları təbrizə daxil olaraq bütün azərbaycanlı fəalları həbs etdirərək, edama məhkum etdi.