(youtube: 
)
)Səni xəlq edənə qurban olum:
1. Küfri-zülfün salalı rəxnələr imanımıza,
Kafər ağlar bizim əhvali-pərişanımıza.
2. Səni görmək mütəəzzir görünür, böylə ki, əşk,
Sənə baxdıqda dolar dideyi-giryanımıza.
3. Cövrü çox eyləmə ki, olmaya nagəh tükənə,
Az edib cövrü cəfalər qılıban canımıza.
4. Əskik olmaz qəmimiz, bunca ki, bizdən qəm alıb,
Hər gələn qəmli gedər, şad gəlib yanımıza.
5. Var hər həlqeyi-zəncirimizin bir ağzı,
Müttəsil verməyə ifşa qəmi-pünhanımıza.
6. Qəmi-əyyam, Füzuli, bizə bidad etdi,
Gəlmişik icz ilə dad etməyə sultanımıza.
Hərfi Anlamı:
1. Zülfünə bənd olmaq küfrü imanımızda elə söküklər
açıb ki, hətta halımıza kafərlər də ağlar.
2. Səni görmək elə çətin məsələdir ki, sənə baxanda göz
yaşları gözlərimə dolur.
3. Zülm edəndə belə bol-bol eləmə ki, bir gün tükənə
bilər, az-az et ki, həmişəlik olsun.
4. Yanımıza şad gəlib, qəmli qayıdanların çoxluğuna
baxmayaraq, qəmimiz heç vaxt azalmır.
5. Gizlin qəmimi aləmə ifşa eləmək üçün, zəcirimizin
hər halqasının bir ağzı var.
6. Füzuli, dünya qəmindən əzab çəkdiyimizə görə,
acizanə sultanımıza şikayətə gəlmişik.
şərhlər: