45. nədir yox , kimdir sualına cavab verən (verməli olan) varlıqdır
lap aşağıda ipucu kimi verdiyim üç başlıq və nəticələri üzərində düşünülsə, ola bilsin onun özü deyil, işləri haqqında müəyyən qədər öyrənmək olar, onun özü dərkolunmazdır, əgər biz yaradılmışıqsa və o yaradıbsa onu necə dərk edə bilərik? söhbət valideyn - övlad münasibəti kimi əlaqədən getmir, bu fərqli bir bağlantıdır.

bu fikir, dünyadakı fərqli coğrafiyada və bir birindən bağlantısız inkişaf etmiş irili xırdalı bütün insan toplumlarının dəyişməz ortaq fikridir - tanrı və din - sadəcə üç qitə qovşağında və buradan uzanan yolların üzərindəki sivilizasiyalarda (köhnə dünya) deyil, yollardan və mədəniyyətlərdən çox uzaq və ucqarlarda, bəlkə ilk insanların dövrü qədər qədimdə sivilizasiyalardan ayrılmış və məskunlaşmış insan topluluqlarından danışıram. bunu sadəcə təbiət qarşısında acizlik hissi ilə izah eləmək məntiqli deyil. məntiqli olan, insanın daimi ruhi axtarışlarıdır, və biz mövcud olduqca bu axtarışlar və adlandırmalarımız davam edəcək. haçansa bütün sualların cavablanacağına və bitəcəyinə isə inanmıram

(bax: yaradan)

(baxma: ali varlıq)
(baxma: səbəblərin səbəbi)