40. ölkəmizdə siyasi səhnənin qapalı, özəl səhnələrinsə dar olduğuna görə, ciddi və dərin müzakirələr (mübahisələr) çox vaxt alınmır. çünki, tərəflər gec-tez emosional şantaja keçir. sistem problemidir. bir-birimizi deyil, sistemi dəyişməliyik. qarşıda böyük işlər var. yersiz və faydasız dartışmalarda özümüzü xərcləməyək. təmkinli olmalıyıq. bir dartışmanın yersiz olduğunu necə bilək? özümüzə orada yer etməyə çalışmasaq, yetər.
yunanca mövzu "topoi" deməkdir. bu söz ingilis dilinə də keçib - "topic". sözün ilkin mənası "yer" olmuşdur. "topoqrafiya" sözü də oradan qaynaqlanır. demək istədiyim odur ki, mövzu "topoi", "topic" - yer ancaq biz özümüzə orada yer edəndə tuta bilir. hər mövzuda özünüzə yer etməyə girişməyin. siyasətdə ideoloji səngərlərin - qırmızı xətlərin önəmi böyükdür. onsuz heç kəs siyasətdə özünə yer tuta bilmir.