10. deməli ram yetməzliyi, hdd, prosessor və ya videokart kimi səbəblər müəyyən qədər problem yaratsa da başlıca səbəb soyutma sistemi ilə bağlıdır. məsələn ram miqdarı azdırsa arxa planda işləyən proqramlar çoxaldıqca prosessor onları işlətməklə bərabər yer məsələsini də həll etmək məcburiyyətində qalır və beləliklə çox iş gördüyü üçün daha çox qızır. bu yerdə cooler işə düşür. əgər cooler yaxşı deyilsə ki, orta və aşağı səviyyəli (800 manat və aşağı) notebooklarda çox vaxt belə olur, o zaman prosessoru tam soyuda bilmir və nəticədə donma və əgər qucağınızdadırsa baldırların tərləməsi problemləri yaranır. yəni qısaca problem coolerlərdədir.

hddnin içində hərəkət edən mexanizm olduğu üçün o da müəyyən qədər qızır amma bu çox ciddi problemə yol açmır. əlbəttə imkan varsa ssd ilə əvəzlənməsi daha yaxşı olar amma hal hazırda 250gb-lıq ssd ilə eyni qiymətə 1-2 tblıq hdd almaq mümkündür.

vgaya (videokart) gəldikdə isə bu da ən çox qızan hissələrdəndir. bütün qrafik hesablamaları apardığı üçün xüsusilə oyunlarda və dizayn proqramlarında çox qızır.

həll yolu ya əlavə soyuducu almaqdır (altlıq) ya da əgər cihazın vəziyyəti çox pis deyilsə mütəmadi notebooku təmizləməkdir. fenlə və ya imkan varsa açıb təmizləmək olar amma ikincini məsləhət görmürəm çünki əlinizdə qala bilər ona görə ustaya ya da başı çıxan bir nəfərə vermək daha yaxşı olar. eyni zamanda onu da deyim ki çalışın notebooku qucağınıza ya da divanın, kreslonun ya hər hansı bir parçanın üstünə qoymayın çünki parçalar (xüsusilə yun) altdaki hava keçidlərini tutur və içərini cəhənnəmə çevirir. bu problem hətta ana platanın (motherboard) yanmasına da səbəb ola bilər. bu səbəbdən stolun üstünə və ya düz səthlərdə istifadə etməyə çalışın. mütləq qucağımda istifadə eləməliyəm deyirsinizsə altına bir şey qoyun ki notebook yuxarıda qalsın və nəfəs ala bilsin.

isinməyən notebook axtarırsınızsa haqqında mütləq araşdırın spesifik bir marka məsləhət görmək düzgün deyil.