9. "sonbahar" - özcan alperin ssenarisini yazıb, rejissorluğunu etdiyi filmdir. çəkimləri 2007-ci ildə baş tutan film, ilk dəfə 6 iyun 2008-ci ildə "altın koza" film festivalında nümayişə girib.
istanbul; bayrampaşa qapalı həbsxanasında 22.12.2000 tarixində baş vermiş "həyata qayıdış əməliyyatı"ndan olan çəkilişlərlə başlayır film. həbsxanada bir qismi aclıq aksiyasında olan etirazçılara silahlı müdaxilə vaxtı həbs olunan yusuf, 10 il sonra doğulduğu kəndə, anasının yanına qayıdır. vərəm xəstəsidir və ölümünə az qaldığını bilir. "sonbahar" adı da, yusufun həyatının qışa qədər davam etməsinə görədi.
əsasən geniş planda aparılan çəkimlərdə gözəl çəkiliş məkanlarına görə ortaya göz oxşayan kadrlar çıxır. filmin dinamikası çox zəifdir, temp demək olar, dəyişmir. dramatik cəhətdən piklər çox azdır. ssenari də fərqli heç nə demir. amma rejissor işi o qədər gözəldir ki, musiqilərlə o qədər peşəkar işlənilib ki, sona qədər izləməmək, zövq almamaq mümkün deyil.
bol mükafatlı filmin büdcəsi 700.000 dollara yaxındır.