3. american history xnin rejissoru tony kayein bir başqa şahəsəri.indiyə qədər izlədiyim ən real filmdi deyə bilərəm.bir çox filmlərdə başroldan bir qəhrəman, bir ideal yaratmaq məqsədi görürsünüz, ancaq bu filmdə görə bilməzsiniz.henry surətində modern insanın bütün problemləri əks olunub.keçmişində travma yaşamış, buna baxmayaraq rutin həyatını davam etdirən, bəzən çarəsiz, vecsiz, bəzən vicdanlı.o həyat sevinci olmayan gözlərində bir çox hissi ifadə edən adrien brody isə özünə bir daha heyran buraxır bu filmlə.onu da qeyd edim ki, filmdə sadəcə bir başrol yoxdu, filmdə gördüyünüz bütün xarakterlər problemləri, həyatları ilə yaşadığımız cəmiyyəti sorğuladır, bizi özümüzdən, iç üzümüzdən iyrəndirir.rejissor cəmiyyətin kəskin çərçivələrlə məhv etdiyi həyatları çox incəliklə çatdırır.cinsiyyətçilik, diskriminasiya, estetik normları haqqında çox ciddi tənqidlər var filmdə.


--spoiler--

1984 və doublethinkdən bəhsedilməsi də filmi sevmək üçün ayrı bir səbəbdi.erica ilə henry'nin münasibəti çox dərin və təsirli idi.erica'nın ona bu qədər güvənməsi, sonra yaşadığı xəyal qırıqlığı çox gözəl ifadə edilmişdi.meredith'in intihar səhnəsi isə gördüyüm ən narahatedici səhnələrdən biri idi.yadda qalan çox replika var, ancaq ən bəyəndiyim bu idi:
we all need something, to distract us from the complexity and reality
bu cümlə əslində hamımızın sevgi və boş xəyallar dalınca qaçmağımızın əsl səbəbini izah edir fikrimcə.biz yalnız çirkin reallıqdan qaçırıq.

--spoiler--