3. "salam, kədər" (fransızcası "bonjour tristesse") françoise sagan ın 19 yaşında yazdığı və çap olunmasıyla ilk öncə müəllifə lokal, daha sonra isə qlobal şöhrət qazandıran əsərdir. əsər yeniyetmə bir qızın həyatla və həyatın mənbəyindən axıb gələn kədərlə, günahla tanışlığından, insanlarla qura bildiyi və qura bilmədiyi münasibətlərdən bəhs edir. əsərin adı paul eluard ın bir şeirindən gəlməkdədir, həmin şeir əsərdə də istifadə olunub.


--spoiler--

erkən yaşlarında anasını itirən qız anasını itirdikdən sonra monastrda təhsil alır, daha sonra atasıyla yaşamağa başlayır. atası hedonist, qadınlarla münasibəti sevən biridir. biz əsərdə sesilin (baş qəhrəman) atasıyla olan münasibəti, ilk sevgisi və yaşadığı cinsi təcrübələri görürük. yeniyetməlikdən qaynaqlanan səbəbsiz kədər, insanlarla yola gedə bilməmək kimi problemlər qabardılır, bir vaxtlar anasının rəfiqəsi olan, indi isə atasıyla gəzən annayla olan qarışıq münasibətləri diqqəti cəlb edir.

--spoiler--
yeniyetməlik haqqında olan maraqlı əsərlərdən biridir, üstəlik o qədər də irihəcmli deyil, üç-dörd saat vaxt ayırmaqla bitirmək mümkündür. oxuyun, oxutdurun.